影片
更多
2023-02-01
826 瀏覽
Home A Day今日去瑪麗醫院覆完診就直接落上環搵野食，去咗一間人氣餐廳叫「Home A Day」食lunch，餐廳門口又係有一級，又要出動我塊斜板！入到餐廳見到好搶眼嘅霓虹燈，入面座位以梳化為主，牆身以粉紅色同粉藍色為主，好適邊食邊打卡！1.無骨海南雞飯 伴 胭脂蘿蔔 配鮮雪耳濃雞湯 $88（8/10）呢碟海南雞飯個飯係油飯，但無出面咁油，味無咁出，淡淡雞油味，都幾健康！雞肉方面除雞翼有骨，其他都係無骨，但我比較鍾意帶少少血嘅雞，呢度d雞硬咗少少，整體雞肉都嫩滑，雞肉份量算多，有成8舊雞肉，碟上面仲準備咗三種醬汁比人點，有薑蓉、甜豉油同自家製辣醬！雞湯非常濃郁，濃到好傑，傑到好過某牌子嘅滴雞精，而且鮮雪耳仲索哂雞湯，雪耳又爽口，唔錯呀！2.叉燒蛋香脆薄餅$78（9/10）呢個薄餅夠哂特別，用叉燒、流心蛋同少少芝士嚟整，薄餅底係好薄脆身底，而且都幾大，有8吋咁大，表面再加上黑椒同洋蔥令薄餅更加豐富！3.Chill Day白桃乳酸特飲$38（9/10）呢杯Chill Day賣相好靚，打卡一流！淡淡白桃味加埋乳酸，簡直係解渴之選！4.Expresso Macchiato咖啡$26（9/
今日去瑪麗醫院覆完診就直接落上環搵野食，去咗一間人氣餐廳叫「Home A Day」食lunch，餐廳門口又係有一級，又要出動我塊斜板！
入到餐廳見到好搶眼嘅霓虹燈，入面座位以梳化為主，牆身以粉紅色同粉藍色為主，好適邊食邊打卡！
1.無骨海南雞飯 伴 胭脂蘿蔔 配鮮雪耳濃雞湯 $88（8/10）
呢碟海南雞飯個飯係油飯，但無出面咁油，味無咁出，淡淡雞油味，都幾健康！雞肉方面除雞翼有骨，其他都係無骨，但我比較鍾意帶少少血嘅雞，呢度d雞硬咗少少，整體雞肉都嫩滑，雞肉份量算多，有成8舊雞肉，碟上面仲準備咗三種醬汁比人點，有薑蓉、甜豉油同自家製辣醬！
雞湯非常濃郁，濃到好傑，傑到好過某牌子嘅滴雞精，而且鮮雪耳仲索哂雞湯，雪耳又爽口，唔錯呀！
2.叉燒蛋香脆薄餅$78（9/10）
呢個薄餅夠哂特別，用叉燒、流心蛋同少少芝士嚟整，薄餅底係好薄脆身底，而且都幾大，有8吋咁大，表面再加上黑椒同洋蔥令薄餅更加豐富！
3.Chill Day白桃乳酸特飲$38（9/10）
呢杯Chill Day賣相好靚，打卡一流！
淡淡白桃味加埋乳酸，簡直係解渴之選！
4.Expresso Macchiato咖啡$26（9/10）
好濃好香好滑！
2人總共價錢$253，有加一服務費！
個人口味總評分：8.75/10
@home.aday
地址：上環德輔道中188號金龍中心地下1,2,6號舖
#homeaday #cafe #香港美食 #上環美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
