影片
更多
2021-05-03
616 瀏覽
有同事生日就約埋一齊食晏，好耐無多人同枱，即日朝早訂枱仲好好安排得切6人一枱。餐牌簡潔清晰易明，意英食物名稱對照，職員好好吹水會是日推介。午餐有128 for two courses，158 for 3 courses麵包似CIABATTA口感，外脆內軟煙韌唔乾身重麵包味，無論沾油醋定淨包都好，食完一條飽咗少少。前菜多選擇，揀咗是日菜湯、Burrata Pugliese、Mozzarella Caprese 、Prosciutto e Melone。是日菜湯勁多青瓜、紅蘿蔔，素食者適合，菜味道淆入湯配以蕃茄底，酸酸地一流！蜜瓜火腿沙律上盤靚，蜜瓜清甜，伴住個火腿去油膩感，推薦！水牛芝士沙律原粒上，忌廉綿綿質地，穩陣之選。碎芝士火箭菜沙律配以酸酸開胃沙律汁，菜身爽口，又係穩陣之選！主菜Bistecca alla Griglia (肉眼扒) 望落有巴掌大小，厚切片，煎到剛剛好，仲望到肉身紅色。雖然無配汁，但原有嘅肉汁香濃，每口有肉汁滲出，唔乾身唔鞋口。肉食者推薦！Lasagna al Forno (芝士肉醬千層麵) 望到層芝士都FEEL到漏咗，但係本身呢道菜就係咁架嘛。啖啖都有濃濃茄汁肉醬
午餐有128 for two courses，158 for 3 courses麵包似CIABATTA口感，外脆內軟煙韌唔乾身重麵包味，無論沾油醋定淨包都好，食完一條飽咗少少。
前菜多選擇，揀咗是日菜湯、Burrata Pugliese、Mozzarella Caprese 、Prosciutto e Melone。是日菜湯勁多青瓜、紅蘿蔔，素食者適合，菜味道淆入湯配以蕃茄底，酸酸地一流！蜜瓜火腿沙律上盤靚，蜜瓜清甜，伴住個火腿去油膩感，推薦！水牛芝士沙律原粒上，忌廉綿綿質地，穩陣之選。碎芝士火箭菜沙律配以酸酸開胃沙律汁，菜身爽口，又係穩陣之選！
主菜Bistecca alla Griglia (肉眼扒) 望落有巴掌大小，厚切片，煎到剛剛好，仲望到肉身紅色。雖然無配汁，但原有嘅肉汁香濃，每口有肉汁滲出，唔乾身唔鞋口。肉食者推薦！
Lasagna al Forno (芝士肉醬千層麵) 望到層芝士都FEEL到漏咗，但係本身呢道菜就係咁架嘛。啖啖都有濃濃茄汁肉醬，麵身軟滑，同芝士溶埋一齊，入口綿到可以即吞，唔係好咸，GOOD！食半份飽。
Pizza del Giorno (辣肉腸Pizza) 成8吋咁大，小厚批底厚邊，一個人點食得落？要SHARE啦！批面茄醬配辣肉腸芝士，正常味道，不過芝士味濃咗，腸味唔夠出。批底麵包底有啲厚身煙韌好飽肚，雀仔胃朋友必要搵人一齊食，男士一個批都未必食得晒。
Tagliolini Gamberi e Zucchine (蝦仁義大利麵) 上菜以為份量少，但因為個盤大嘅關係，食食下係飽架。蝦仁有鮮味，唔係死海蝦HEA畀幾粒蝦丁乾，但好似少許老身。粉身唔好特別，唔係天使麵或者粗身意粉，口感仲有啲啲米線嘅小彈牙，襯埋個秘製醬好夾，一試！
Ravioli di Ricotta & Spinaci Burro & Salvia (意大利小雲吞) 係迷你小雲吞，一啖一口，皮軟彈牙，餡的芝士偏重濃，蓋過菠菜味道，半碟好飽，唔強推。
開心甜品環節點齊Tiramisu、Panna Cotta、Chocolate Mousse、Creme Caramel。Tiramisu酒味唔突出但係咖啡味及朱古力味好濃，Cream Cream 口感，唔係甜，但又係小portion 過口癮夠晒。Panna Cotta 奶味重綿滑口感，如果改用藍莓或者士多啤梨醬伴食會再提升好啲，唔會太甜。Chocolate Mousse外形有點問號，味道口感係穩打穩紮之選，唔特別評論，但絕對唔係難食嘅。Creme Caramel反而有驚喜，以為會好平淡，本身個布甸都有淡淡味道，會"動L"，唔點焦糖都夠唔會偏甜。
整體嚟講會推薦，前菜、甜品好似好食過主菜，但其實各主菜都係好食，抵讚埋啲STAFF好好禮貌！可以試下夜晚飲返轉。
張貼
