Miss Lee (已結業)

某個週末約咗好耐冇見嘅朋友一齊食lunch，所以想係餐廳坐得舒適啲同食健康啲，李好純確實可以滿足晒兩個願望！依度餐牌會定期更新，食物份量都唔細，味道亦幾好，一定會令你對素食改觀！待應服務態度幾貼心，上每道菜嘅時候都會詳細介紹。餐前小食有芒果撻同豆腐紫菜薄脆，芒果撻帶點微辣，生洋蔥香味，撻皮亦好脆口，的確幾開胃！前菜有芝麻南瓜餅、涼拌萵荀、黃金梛菜花同生菜包。最驚喜菜式一定係生菜包，泰色風味十足，冬蔭公味勁濃，不過偏小辣。黃金梛菜花同樣惹味，欣賞炸粉唔厚，咸蛋黃味幾足，最正嘅係底下嘅南瓜忌廉醬，香甜口感令成道菜式更昇華！主菜有菠蘿咕嚕菇配羽衣甘藍飯、炒米形意粉同茶樹菇擔擔麵。三款主食都好出色！炒米形意粉炒得夠乾身，唔會太油膩，充滿住鑊氣！ 朋友就幾欣賞碗擔擔麵，花生醬味都足，豆腐乾/新豬肉完美代替豬肉碎。菠蘿咕嚕菇係幾夾嘅，酸甜汁做得幾好。甜品有合桃酥、桂花糕同桃膠圓肉糖水。甜品屬於中式滋潤口味，味道仍然唔錯。