奈良上釜 (已結業)

今日約咗朋友去Time Square 逛逛，喺附近登龍街搵到呢間食釜飯嘅日式餐廳，門面同室內裝修都以和式為主。點了兩個期間限定釜飯，木之芽穴子釜及沖繩黑豚釜，套餐包嘅前菜好可愛，共有六款小食，由不同顏色形狀嘅小碟盛載，都非常吸引，廚師嘅設計功不可沒。前菜嘅主角係熱騰騰嘅海鮮茶碗蒸，材料豐富，包括鮮味蟹肉、脆卜卜三文魚籽、黑松露、蝦及冬菇，多重味覺享受，正呀！其他前菜包括木魚絲凍豆腐、醃製物、酸蘿蔔、雜菜及蜜糖番薯，各有特色，從多方面刺激味蕾。木之芽穴子釜~有個小磨盆給食客自己磨芝麻，然後灑上釜飯，更覺香口。穴子不是平日食開的鰻魚，是星鰻，體型比較小，但是口感較佳，因為數量少所以好矜貴，加埋已調好味的釜飯，感覺好滿足。沖繩黑豚釜~同朋友一起吃完穴子釜先開始吃黑豚釜，打開蓋依然熱辣辣香噴噴，這就是釜飯的特色，keep到温度，黑豚肉好香又有口感，但一啲都唔韌，喜歡吃肉的朋友一定要試。另外點了個野菜天婦羅盛合，包括南瓜、蕃薯、冬菇、蘆筍及舞茸，第一次食到天婦羅舞茸，聞到好香，食落爽口，整個天婦羅都炸得非常香脆，連裝飾嘅炸物都可以食，鹹鹹地，脆卜卜。喜歡飲番兩杯嘅朋友，可以叫個梅酒、啤酒，傾計一