影片
更多
2017-06-24
62 瀏覽
我之前去完星加玻食完榴蓮一直都想食返上等榴蓮，有朋友介紹呢間榴蓮王話好正，咁梗係要去試！鋪位雖然唔算大，但係都會有檯坐係到慢慢享受，老闆好好人，會介紹有咩正野食，又recommend應該食咩先會比較好，服務態度相當好！紅毛榴蓮特飲 ($22)紅毛榴蓮本身係酸既，唔會好似榴蓮咁既味，仲有抗癌作用，好有益，但係香港好似無餐廳有呢種飲品，係呢到見到有真係好獨特，所以梗係要試試！個特飲飲起黎居然無我想像中酸，仲會帶甜，好正好解渴好啱夏天飲！啲果肉都好多，咬咬下好有口感，係必試！貓山王榴蓮披薩 ($58)乜貓山王都可以配pizza？咁特別梗係要親自去試，本身真係好驚會伏黎，有咩可能貓山王加芝士同香草？pizza既料真係好足，啲芝士仲可以拉好長既絲，影相一流！個pizza熱辣辣，個皮係脆既，可能因為貓山王遇熱之後無咁濃味，所以啲芝士同貓山王有莫名既配，係個口到融埋一齊真係好夾，食完陣餘香令我仲想食........ D24榴蓮白雪餅 ($20)見到咁多款味，都係想試下呢到招牌。雖然個樣就普普通通咁，但係食落去勁足料，啲榴蓮係勁多，食一啖係成口都榴蓮！老闆見我想影相，問我洗唔洗幫手剪開會影得靚啲，好細
鋪位雖然唔算大，但係都會有檯坐係到慢慢享受，老闆好好人，會介紹有咩正野食，又recommend應該食咩先會比較好，服務態度相當好！
紅毛榴蓮特飲 ($22)
紅毛榴蓮本身係酸既，唔會好似榴蓮咁既味，仲有抗癌作用，好有益，但係香港好似無餐廳有呢種飲品，係呢到見到有真係好獨特，所以梗係要試試！
個特飲飲起黎居然無我想像中酸，仲會帶甜，好正好解渴好啱夏天飲！啲果肉都好多，咬咬下好有口感，係必試！
貓山王榴蓮披薩 ($58)
乜貓山王都可以配pizza？咁特別梗係要親自去試，本身真係好驚會伏黎，有咩可能貓山王加芝士同香草？
pizza既料真係好足，啲芝士仲可以拉好長既絲，影相一流！個pizza熱辣辣，個皮係脆既，可能因為貓山王遇熱之後無咁濃味，所以啲芝士同貓山王有莫名既配，係個口到融埋一齊真係好夾，食完陣餘香令我仲想食........
D24榴蓮白雪餅 ($20)
見到咁多款味，都係想試下呢到招牌。雖然個樣就普普通通咁，但係食落去勁足料，啲榴蓮係勁多，食一啖係成口都榴蓮！老闆見我想影相，問我洗唔洗幫手剪開會影得靚啲，好細心！
個皮食落煙煙韌韌咁，又唔會好似糯米咁，居然完全唔痴口，軟軟地，就問下老闆係咩皮黎，老闆話係由日本米漿做成既，難怪咁特別！個皮都唔會話太厚，好似食皮咁，加埋D24，好豐富！
貓山王榴蓮班戟 ($38)
出面啲甜品鋪有好多都有榴蓮pancake，食完都覺得無咩味，又淡，每次都好失望。見到呢到有，梗係要試下會唔會唔同啲，睇落雖然同出面啲差不多，但係食落真係將其他甜品鋪既榴蓮pancake比下去......
個皮好薄，啲陷一樣都係好多，榴蓮好creamy好滑，但食落唔會好瘺，貓山王果然係榴蓮之王，食落好濃郁，好好味..........
食完今次，好肯定有下次！真係好耐無食啲上等榴蓮，以咁既質素既榴蓮真係算好抵..... 而且老闆又好好人，會慢慢同我解釋啲唔明既野，傾下計咁。
我其實對榴蓮既要求都幾高，都抱幾大期望，所以真係好值得一讚！下次可以再黎試下其他榴蓮食品。
張貼
