東喜茶 (已結業)

近日天氣超熱，熱到邊度都唔想去⋯但同屋企人飲茶無得唔出街。飲完茶，踏出酒樓，嘩，真係熱到想返轉頭。行左幾步，見到近期好hit既芝士奶蓋。「喜茶」在內地好紅，但香港見到這間叫「東喜茶」，賣既都係同類產品。一杯芝士奶蓋要三十幾四十蚊，好貴呀。。。不過有人請，點左一杯芝士火火。店員話唔洗用飲管，直接用口飲就可以了。第一口有好香濃既芝士味，好好味呀芝士同cream比例剛好，無得彈。不過飲唔到火龍果汁，要飲多幾口先飲到。飲左一半已經飲唔到芝士味啦，不再特別。所以個人認為唔洗用咁大個杯，少啲茶或果汁，價錢就平返少少。