金船長餐廳 (已結業)

餐廳坐於不太起眼街上，但食物值得一試餐廳海洋為主題，西式食物，有set dinner同散叫。今次叫要一個set dinner,香煎紐西蘭牛柳配黑淑汁配薯菜。五成熟剛好，不會太熟或太紅，肉汁多，味濃，配薯蓉同甜粟米。份量剛好另外，main 選左散叫，BBQ汁美式燒豬肋骨，份量都幾多，肉非常林，一切肉已經離骨，不太干。配BbQ汁剛好，帶出肉味。還有，招牌菜 黑松露醬意式馬斯卡普芝士夾心比薩。呢個似餅多過pizza ，未食已經嗅到好濃芝士味，面好鬆脆，滿滿芝士，裹面夾好多黑松露醬，味道幾濃，配提子醋汁，可以中和，清新下。甜品選要朱古力梳乎里，脹卜卜，熱辣辣。蛋白發得得濃，朱古力味不太濃，可以再食。心太軟，朱古力味都濃，但和梳乎里比，梳乎里入口即溶，大愛。