燒肉LIKE (奧海城二期)

營業中

休息中

由於呢間燒肉like係屋企附近，所以我哋一家都好經常過嚟食。開店大半年，佢哋嘅人都轉咗幾次。侍應由態度極差又亂嚟嘅茶記姐姐，而進展到一班後生仔。接待態度上有明顯好轉。亂上菜情況好咗，最少會問清楚係邊位嘅，唔會隨便邊個位近就擺上檯，叫你自己執返。但今次都好搞笑，上餐後發現我碗湯得1/3碗不特止，仲要係成碗油同凍嘅。似係隔油碗而飯嘅份量照舊係唔會跟所點order去裝。雖則我每次落單都係同份量，但每次都係好大分別。其實廚房唔睇，上菜時侍應係咪應該都覆下單先上菜呢？雖然比起開店前情況已有明顯改善，但希望管理員層可以繼續努力不要鬆懈，始終仲有好大進步空間。