Dap Modern European Restaurant (已結業)

店子環境優雅，好似一間屋甘，店員都好 nice，可惜每次上菜閒閒地要等半個鐘以上，實在太慢啦！野菌忌兼湯：菌味香濃，湯 creamy香滑，好好味。清炒露荀：露荀好多油又太淰身。芒果雪芭：酸得黎又糖醬味重，唔好食。烤焗海鱸魚柳配欖油木爪柳：鱸魚柳厚身肉嫩，個汁酸酸甜甜都好 match。扒極黑豬骨扒配野菌忌兼汁：豬骨扒肉嫩多汁。甜品拼盤：三款甜品都好味，焦糖燉蛋香濃又嫩滑。雖然味道不錯，但等菜上等到 “忟忟地”，我真係唔適合食法國菜。