羲和小館 (已結業)

唔係第一次食，已經食咗四五次，呢間餐廳嘅特色就係「上菜好慢」「上菜好慢」「上菜好慢」，重要嘅說話要講三次，真係忍唔住要寫食評！我哋12:49落單，13:15先上第一道菜，足足等咗26分鐘先有得食，之後食完哂，手機落單叫咗一個湯圓做甜品，等咗20分鐘都仲未嚟，請問兩粒湯圓要整咁耐？最後我忍唔住催下個職員，反映完隔咗1分鐘就有，點解係要踢一腳先郁？慢呢個問題唔係第一次，我睇吓呢間餐廳嘅食評普遍嘅人都話上菜好慢，呢間餐廳都開咗一段時間，點解咁耐都仲未改善到？佢嘅食物質素係好食嘅，但係慢呢個問題如果唔解決，我唔會再去。總結就係如果你好多時間，可以慢慢等，又唔係好肚餓，咁你可以考慮吓入去食。咁慢仲要收我$30服務費？仲要手機落單。