百份百餐廳 (已結業)

午餐黎到百份百餐廳解決，餐牌很多選擇，有中式西式日式等，真係咩都有。餐廳很大，坐了比較邊的位置，要揾人落單都幾難。揀了海南雞飯餐，包例湯但無餐飲，另加左七蚊要凍檸茶。等左成廿分鐘先黎餐湯，半温，味淡，唔好飲。例size嘅雞都幾多份量，雞滑，皮下脂肪唔多，連皮食都心安。但唔多入味，全靠醬汁撘救。右邊係薑容，左邊係雞醬，中間個五條酸菜就算把啦。右上角有一小碗白蘿蔔，滷得幾入味，但得三粒。油飯好大碗滿油香，可惜不夠熱。凍檸茶好難飲，又苦又澀。好一般，五十幾蚊但餐係粉嶺黎講算貴囉。