沖繩二段料理 (大本型)

營業中

休息中

商場之前開咗間新嘅餐廳「沖繩二段料理」，仲未有機會試。星期六係同層順豐速運拎件，見唔係好多人等位，望望餐牌，款式都算多選擇，價錢亦可接受。等咗5分鍾就入得喇～ 但落完order之後，等咗成20分鐘，追左2次先至有，時間上比較耐。岩鹽雞炊飯 (芝士濃蕃茄) $56 - 主菜同炊飯係分開上，主菜用蒸籠裝住，裏面有岩鹽雞、南瓜、雜菌、粟米粒同芽菜。岩鹽雞就比較遜色，味道偏淡，食唔出有岩鹽。相反番茄飯就唔錯，番茄味濃，帶點微酸。將芝士同飯撈埋一齊，仲有芝士拉絲。漢堡扒野菜豆腐炊飯 (柚子壽喜燒) $72 - 主菜同樣同炊飯分開上，裏面有漢堡扒、南瓜、雜菌、豆腐同芽菜。漢堡扒超厚，做得唔錯，咬開超多肉汁。柚子壽喜燒個汁都相當特別，味道好似平時飲嘅柚子蜜，甜甜地仲有濃濃柚子味，估唔到味道又幾夾。