一本居酒屋 (已結業)

佢個炸榴槤好正喎趣卜卜、食咗一啖之後好香口啦同埋入邊啲蓮蓉好正啊！咬一啖之後啲香氣飄晒出嚟🥰鍾意食榴槤嘅朋友唔好錯過啦！佢個三文魚頭呢，嚟到我好驚喜嘅因為好大個！平時出去食嗰啲邊有咁大！冇誇張佢真係特別大個的！只是58！同出面一樣價錢但抵好多！味道都係 唔錯唔錯！壽司都唔錯！新鮮同好味道嘅！服務非常好老闆娘非常親切，仲有隻好乖的小貴婦，好得意！佢都唔會騷擾客人淨係搵老闆😂叫牠都唔睬你㗎。大致上食物都係好食而且抵食㗎！壽司好多都係十幾20幾蚊有兩件啦！質素好嘅話即係比起元氣嗰啲都抵好多啦！😋同埋啲枱相隔好遠所以都食得安全啦！呢個都好緊要！坐得舒服嘅小店廁所都OK乾淨的！這個都很緊要的！所以都推介呢間～