碗盛 (已結業)

由門面設計到入面裝修，絕對令你置身於日本般，一解思鄉之苦。我和朋友點了豐盛的午餐及小食，好自然地暢談去日本旅遊時的趣事呢。🔹️招牌叉燒拉麵 配 無味精豬骨濃湯三大塊叉燒肥瘦分明，帶微微焦香，咬落去油脂好香，糖心蛋亦是剛剛好，麵條有嚼勁，而湯底無落任何味精，十分清甜。🔹️日本滑蛋吉烈芝士豬扒芝士豬扒極度邪惡，皮薄又酥脆，咬落去有肉汁又嫩滑， 配埋滑蛋撈飯更是停唔到口。🔹️日本燒鱈魚棒一客六片，烘烤得好鬆脆，帶濃厚鱈魚香，十分爽口，配上蛋黃醬更惹味。🔹️日本炸胸軟骨餃子熱辣辣又香又脆，口感煙韌啖啖肉，點上沙律醬更美味。🔹️乳酸梳打夏日炎炎，當然要叫杯凍飲，酸酸甜甜咁，真係透心涼。