t2P (The Second Phase)

營業中

休息中

天后一間高樓底地方舒適休閒食店花椒拉麵🍜本地新鮮騸牯牛肉他他配柚子醬油🐮醬油湯頭加入花椒，醬油醇厚香甜，配上微微花椒麻香，層次感唔錯，麵條係細麵，幼滑偏硬身，啱我口味，叉燒有豬腩肉同豬面肉各一塊，腩肉微微燒香，口感同味道比較單薄，反而豬面肉唔錯，有肉味兼肉質爽口，玉子亦做得幾好，醬油味香同流心。牛肉他他選用本地新鮮騸牯牛，肉味濃郁，肉質鮮嫩唔會韌，配上清爽開胃柚子醬油，包住大葱一齊食口感唔錯。另外要讚嘅係樓面同事，服務好有禮貌，尤其我走時喺門口睇個黑板時候，有位女服務員走出嚟好細心咁介紹黑板上寫住嘅外賣拉麵湯包，好有心，所以我亦買左一包，加油呀💪