影片
更多
2014-09-26
1909 瀏覽
早前已拜訪過Next Station Dessert，對其甜品印象頗深，唔單只味道有水準，食材配搭亦見心思，令每一道甜品味道紛陳，部份更喺喜出望外！有次飯聚，幾位老友異口同聲話想試好耐，我就梗喺舉腳支持掹住車邊跟埋一齊嚟啦，所以，下一站，又喺甜品！雖然名正言順喺一間甜品店，但環境、氣氛絕對唔淨止嚟食甜品咁普通。整個鋪位呈深而長嘅長方形，鋪中間喺開放式廚房，可以見到多位師傅晌度整甜品，一目了然；頭尾都喺用餐區，近門口一截有點酒吧嘅影子，以高腳枱櫈為主，幾組射燈，加埋懷舊吊扇，添幾分情調；而鋪尾另一個用餐區，則以一般餐枱為主，燈光亦調得較明亮，感覺跟鋪前有啲唔同。因為此行目的喺嚟嘆甜品，所以，用不著急急腳。大家先嚟點杯凍飲，好驅驅暑氣，並慢慢研究試邊幾款甜品。Red Light $38深紅色嘅Red Light，喺一杯以士多啤梨汁、菠蘿汁、橙汁、青檸汁、石榴糖漿溝成嘅非酒精特飲Mocktail，色澤有份迷人醉紅，味道喺點？朋友嘅回應喺豐富而清新果香，散發微微酸味，有種消滯嘅感覺，所以，配甜品應該好適合。Virgin Mojito $38朋友好欣賞佢嘅色澤，清綠得叫人感到有份冰涼清爽嘅感覺。
雖然名正言順喺一間甜品店，但環境、氣氛絕對唔淨止嚟食甜品咁普通。整個鋪位呈深而長嘅長方形，鋪中間喺開放式廚房，可以見到多位師傅晌度整甜品，一目了然；頭尾都喺用餐區，近門口一截有點酒吧嘅影子，以高腳枱櫈為主，幾組射燈，加埋懷舊吊扇，添幾分情調；而鋪尾另一個用餐區，則以一般餐枱為主，燈光亦調得較明亮，感覺跟鋪前有啲唔同。
因為此行目的喺嚟嘆甜品，所以，用不著急急腳。大家先嚟點杯凍飲，好驅驅暑氣，並慢慢研究試邊幾款甜品。Red Light $38
深紅色嘅Red Light，喺一杯以士多啤梨汁、菠蘿汁、橙汁、青檸汁、石榴糖漿溝成嘅非酒精特飲Mocktail，色澤有份迷人醉紅，味道喺點？朋友嘅回應喺豐富而清新果香，散發微微酸味，有種消滯嘅感覺，所以，配甜品應該好適合。
Virgin Mojito $38朋友好欣賞佢嘅色澤，清綠得叫人感到有份冰涼清爽嘅感覺。好簡單以青檸汁、薄荷、梳打打成，無乜花巧，只喺份量上嘅配搭，薄荷嘅幽香，青檸嘅酸爽，的確令人份外解渴；朋友話，杯內仲有粒粒嘅翠綠薄荷啫喱，感覺不俗。若然加點薄荷葉，視覺更好！
Banana Smoothie $38上之試咗Mango Smoothie，今次就試另一款Banana Smoothie，以香蕉肉、牛奶、原味乳酪打成，質感柔滑，入口充滿「蕉」氣。
一路飲，就一路等，因為幾款甜品都焗製需時，好彩早段客人唔多，等得無耐，甜品就出場。三色焦糖燉蛋 $52
從餐牌所見，三色分別喺雲呢拿味、伯爵紅茶味、青檸味，最正路就應該有淡食到濃。先食嘅青檸味，有淡淡青檸香，燉蛋做得挺幼滑，而面層嘅焦糖焦香脆薄；跟住再食嘅雲呢拿味，天然香甜，細看燉蛋內混有唔少雲呢拿籽，貨真價實；最後嘅伯爵紅茶味，估唔到頗突出，有幽幽茶香。
黑糖薑汁梳芙厘配雲呢拿雪糕 $56睇見個梳芙厘焗到漲卜卜，又高又挺，唔會東歪西斜，仲高出過個瓷碗成倍高，就知手勢好，技巧熟練。個人鍾意個食法喺先食過梳芙厘頂，頂頂焗得香脆，跟住邊加雲呢拿汁，就邊食落去，梳芙厘內部非常輕綿，真喺有陣風嘅感覺，而且，淡淡嘅黑糖天然甜味，加埋微辛嘅薑味，配搭不俗，一啖熱辣嘅梳芙厘，又一啖冰凍嘅雲呢拿雪糕，何其爽呀！
綠茶心太軟配綠茶雪糕 $55上回所試嘅黑胡椒心太軟配雲呢拿雪糕已經有種難忘嘅印象，今次試另一款心太軟「綠茶味」，唔知又會否帶嚟更多衝擊？青綠色嘅綠茶心太軟無灑上糖霜，改以紅豆作為裝飾，一切開綠色嘅綠茶漿澎湃湧流，極具視覺效果，可見烘焗嘅時間拿捏準繩，微脆嘅外層富綠茶嘅香氣，紅豆亦軟腍清甜，唯綠茶漿偏甜少許；不過，再夾埋綠茶雪糕同食，就可以平衡番晒。兩者比較，小弟就喜愛黑胡椒心太軟多啲。
食物豈止只有甜，人生又豈止得下一站，晌搵食嘅路上，有幸品嚐甜酸苦辣，就算好食唔好食，其實都喺一件件嘅趣事。
張貼
