Cafe Je T'aime (已結業)

係水貨客嘅世界中都依然有寧靜嘅一間cafe門口有特色嘅舊式梳化，入邊牆身畫滿法國巴黎情懷特色的畫，播住悠閒音樂，係下午嘅好去處。今次叫左熱情果cheese cake, 三文魚炒蛋三文治同earl grey tea。熱情果cheese cake 好特別，cheese cake 味道好出，芝士味濃郁，熱情果嘅配合令到食cheese cake 唔會濟，一口氣就吃掉了。甜酸嘅熱情果醬配起cheese cake 係意想不到嘅好食。三文魚炒蛋三文治分量算大，入邊嘅三文魚同蛋都足料。蛋炒得幾滑同香，而麵包睇落無乜野，但吃落係脆的，幾香口。最後earl grey tea 不過不失，甘味唔算好重。係花茶杯令人賞心悅目，飲落都特別愉快。上水黎講呢間cafe 係幾好嘅一個選擇。