茶之環 (已結業)

「茶之環」喺咩來頭？日本廣島市五十多年老店 ！日本第一茶匠鑑定 ！相信唔少食家晌食評中都已經介紹過，晌「開飯喇」頁首嘅餐廳排行榜亦長駐第一位，實力實在不容少覷，出品質素更不用懷疑。今日有幸以其抹茶蛋卷作為下午茶，真喺非常多謝同事嘅慷慨 。 抹茶蛋卷 $75 一筒抹茶蛋卷只有7條，平均一條近乎$11 ，所以絕對唔便宜。每條都獨立包裝，打開包裝袋，一股綠茶味何止幽香，直情強勁來襲 ，入口十分鬆脆，但唔會太易碎，而綠茶味濃得嚟有少少甘苦，綠茶控一定啱晒。據知店內所有產品都喺由日本直送，唯獨抹茶卷蛋（即喺瑞士卷嗰類）需要著重新鮮，先至喺本地製造，同樣定價唔平，$150一條，但仍然喺店內熱買產品。綠茶做甜品可塑性很高，相信綠茶熱仍會再熾熱一排！