牛涮鍋 (已搬遷) 新店位置

其實從來都未試過食lunch打邊爐，今日有同事last day，柴嘩嘩，一行16人，一齊去!環境ok啦，唔迫。叫左60分鐘一人一份豬 / 牛 (唔係任食)，湯底叫左壽喜鍋。我要牛，都幾滑，一碟有成7-8片，份量都幾夠! 灼10秒，剛剛好，不過有一兩件肥肉多左少少。任食吧有菠菜丸、龍蝦丸、蕃茄、蔥、芋絲等，仲有累色煙煙韌韌既薯粉，烏冬吸左湯底，正。個湯底滾極都唔淡，後加既係湯，唔係水，d野食唔駛點豉油都好好味。我個人最鍾意食蔥，令到個湯好香，爽呀! 雪糕係一杯杯既，牛x公司，紅豆味都ok! 不過如果「畢」球會開心d!