吉利日本美食 (已結業)

響西環番工 12:30放飯, 原本諗住是是但但去番平時o個間餐廳仔買外賣算啦~~ 點知行到平時o個間餐廳仔時~~見到對面經常關門既呢間吉利 突然開門wor~~我好like食日本野既 於是...隨即走左去睇下.......見到佢掛住個"外賣駅"牌響門口 營業時間係下午1點至10點, 我係八卦仔, 問個店員之前點解成日都唔開, 佢話外賣駅係4月先開既,之前堂食係6:30先開, 唔怪之啦我6點半都收工番緊屋企啦.......見到佢地個雪櫃都有頗多壽司同刺身比我選擇, 咁我本身個人最like食d 鮮味既野..........於是選左一盒刺身拼盤 價錢係87蚊...原本仲想買多盒壽司拼盤試下佢架麻.........點知放左個銀包響公司........激鬼死得100蚊響身...番到公司隨即打開盒刺身 hehe~內有10隻甜蝦,3片油甘魚 , 同埋一隻珍寶帶子 (切開左4片) , 3樣野都好鮮一d雪味都冇, 但我個人最推介就係o個3片油甘魚,真係同一般市面o個d 唔同.....唔知點形容 , 大家有機會自己試下 haha (不過....我唔夠飽)