遇見花蓮

營業中

休息中

今天同朋友喺炮台山英皇道後面條街掃食肆，揀咗間台式店。叫咗兩個小鍋——沙茶牛肉鍋同泡菜豚肉鍋，加埋麻辣鬼椒雞腿蛋吐司同嘉義手工蛋餃，豐富到唔識形容。細講下兩個鍋，牛肉鍋有牛筋、牛肚和牛丸，豚肉鍋就多咗粟米同蕃茄。基本配料一樣——冬菇、娃娃菜、鵪鶉蛋、甜不辣、福州魚丸、芋頭貢丸、蜂巢豆腐，蛋餃，真係滿滿一鍋料！沙茶鍋香濃惹味，泡菜鍋酸辣開胃，但煮耐咗會辣到想飲汽水。主食揀粉絲吸汁，食到最後真係無得輸。麻辣鬼椒雞腿蛋吐司，雞腿肉嫩滑得嚟帶少少辣勁，配蛋簡直絕配！嘉義手工蛋餃啖啖肉餡，外皮仲有少少鍋邊脆，完全係台味直送。重點！呢餐係下午茶套餐，平過正餐好多，但份量完全唔偷工減料，仲包杯飲品，CP值爆燈。