Cozy Coffee (已結業)

裝修白色為主調，靚而且簡潔，半開放，有兩層，自己落樓下俾錢，唔洗收加一，之後侍應會攞俾你。每個位都可以影到靚相做foodie，贏左我嘅少女心5成架啦。*Hot cappuccino $42拉花好靚，其實已經贏咗我嘅少女心7成，牛奶味比咖啡味濃，夠熱，不過真係有少少貴。Iced cappuccino $45餐牌影到好靚，攞上嚟嘅時候都仲係滿杯，但佢消泡消得好快，而且飲落冇Hot cappuccino嘅牛奶味，咖啡酸味反而比較強，而且好細杯，我好失望。總括嚟講，咖啡偏普通，cp值唔高，所以贏唔到我剩低3成嘅少女心，野食可能會抵食啲，真係主要食環境同氣氛。