影片
更多
2015-02-01
539 瀏覽
行過V CITY, 見到呢間新開既餐廳, 我就走左入去坐低睇, 佢比我第一個感覺係 : 餐廳入面D待應都幾後生, 個環境都幾MODERN, 但估唔到三四點下午茶時段中菜餐廳都會咁多人入黎食。雖然唔係要等先入得去, 但係都坐左幾堆人既枱係度食野。 下午茶時段梗係叫下午茶先岩啦, 我就叫左個點心,跟SET有得跟埋杯豆漿, 但我叫左個柚子蜜飲。相入面呢個正方形食物好似叫千層馬拉榚, 我都好耐都冇食過所以見到有叫左個黎試下! 佢應該係岩岩蒸好就拎過黎我枱比我, 餐廳仲會切好埋方便客人進食, 千層馬拉榚比我感覺好熱食落去好鬆軟夾落去唔會碎開哂, 佢又唔係食落好甜, 同埋張相可能睇唔到, 但係佢其實係層層分明, 咁樣一SET只係20蚊, 下午茶黎講算OK!三四點下午茶時段行街行到累！！
張貼