影片
更多
2021-01-01
1726 瀏覽
由於疫情嘅關係，打亂左好多人食飯嘅時間，為咗唔好成日食外賣，我自己都會有陣時下午茶食飽啲然後晚餐就唔使食。最近發現大戶屋都有都幾抵食嘅下午茶餐想分享吓。佢哋嘅下午茶餐分別有唔同類型嘅飯或者烏冬，再加上一份小食，同埋一杯飲品或者一份甜品，價錢都係$60起，食完其實都好飽肚㗎！我自己就叫咗一個迷你醬油五花腩飯，迷你他他汁黑醋炸雞薯仔沙律，再加多杯橙汁，我朋友驚唔夠飽，所以佢就叫咗個普通嘅午餐定食，佢就叫咗個味增醬吉列豬扒定食。醬油五花腩飯油香勁重，每一口都食到豬肉同埋醬油嘅香味，因為五花腩肉帶點微微嘅焦香，所以配埋白飯真係一絕，另外沙律嘅份量都唔少㗎，佢嘅黑醋醬汁口感比較清爽，可以中和返五花腩既油膩感，另外炸雞都係新鮮炸起脆卜卜，絕對唔會因為上面嘅沙律而令到佢淋晒，呢度我都覺得幾加分。反而我朋友個定食我就覺得有少少失望，可能因為喺名古屋食過正宗嘅味增醬吉列豬扒，我覺得呢度嘅味增醬一啲都唔濃，雖然佢嘅吉列豬扒都係啱啱炸起口感好好，但係配上醬料就覺得略嫌冇乜火花，如果醬料嗰度味噌嘅味道重少少嘅話就會更好啦！
佢哋嘅下午茶餐分別有唔同類型嘅飯或者烏冬，再加上一份小食，同埋一杯飲品或者一份甜品，價錢都係$60起，食完其實都好飽肚㗎！
我自己就叫咗一個迷你醬油五花腩飯，迷你他他汁黑醋炸雞薯仔沙律，再加多杯橙汁，我朋友驚唔夠飽，所以佢就叫咗個普通嘅午餐定食，佢就叫咗個味增醬吉列豬扒定食。
醬油五花腩飯油香勁重，每一口都食到豬肉同埋醬油嘅香味，因為五花腩肉帶點微微嘅焦香，所以配埋白飯真係一絕，另外沙律嘅份量都唔少㗎，佢嘅黑醋醬汁口感比較清爽，可以中和返五花腩既油膩感，另外炸雞都係新鮮炸起脆卜卜，絕對唔會因為上面嘅沙律而令到佢淋晒，呢度我都覺得幾加分。
反而我朋友個定食我就覺得有少少失望，可能因為喺名古屋食過正宗嘅味增醬吉列豬扒，我覺得呢度嘅味增醬一啲都唔濃，雖然佢嘅吉列豬扒都係啱啱炸起口感好好，但係配上醬料就覺得略嫌冇乜火花，如果醬料嗰度味噌嘅味道重少少嘅話就會更好啦！
張貼