南記冰室

營業中

休息中

老實講，近年呢，經濟不景，如果時間許可，好多時都會下午茶當晚餐，因為真係實惠好多。今次五點幾喺葵涌做完嘢，就趕及六點前嚟呢度食個豐富嘅下午茶啦。叫咗個咖哩牛腩飯，雖然係下午茶，份量一啲都冇少到，抵讚。牛腩有筋有腩，炆得入味，薯仔都夠腍。咖哩汁偏辣偏鹹，雖然唔係我最鍾意嘅濃椰汁味道，但都算惹味，餸飯一流。另外，最值得一讚嘅係餐廳嘅環境，非常乾淨企理，完全唔似一般茶記，反而更似間 cafe，坐得好舒服。