影片
更多
2020-09-20
77 瀏覽
今日收工食返個下午茶，堅信號有我好想食嘅雲吞仲有酸辣湯！下午茶仲好抵食，今日就揀左呢度啦。下午茶餐牌到6點，午餐到5點，我就揀左下午茶啦。上海菜肉雲吞銀絲湯米（$36）米粉爽口，份量當然係下午茶份量，不過食完都係超飽！雲吞好多肉。本身調味係清淡嘅，有需要可以加醋，不過我就選擇擺啲米粉落酸辣湯度，超正！啖啖都好重味～酸辣湯（+$13）有冬菇、筍等等基本食材，味道好夠酸，又未算好辣，啱曬我用黎撈麵。迷你蟲草花雲吞雞（+$18）幫我個雲吞麵加料，除左雲吞仲有雞搥一隻，都幾厚肉。永澤同學套餐（$32）奶皇包、抹茶包、凍豆漿。呢個套餐好可愛，包面印左永澤同學個樣，包面尖尖咁又幾似永澤同學啲頭髮喎～啲包嘅餡都幾足料，份量夠又夠味。豆漿好冰涼，味道唔算太甜。茶市呢度keep住好好生意，全場滿座，果然無揀錯！
上海菜肉雲吞銀絲湯米（$36）
米粉爽口，份量當然係下午茶份量，不過食完都係超飽！雲吞好多肉。本身調味係清淡嘅，有需要可以加醋，不過我就選擇擺啲米粉落酸辣湯度，超正！啖啖都好重味～
酸辣湯（+$13）
有冬菇、筍等等基本食材，味道好夠酸，又未算好辣，啱曬我用黎撈麵。
迷你蟲草花雲吞雞（+$18）
幫我個雲吞麵加料，除左雲吞仲有雞搥一隻，都幾厚肉。
永澤同學套餐（$32）
奶皇包、抹茶包、凍豆漿。
呢個套餐好可愛，包面印左永澤同學個樣，包面尖尖咁又幾似永澤同學啲頭髮喎～啲包嘅餡都幾足料，份量夠又夠味。
豆漿好冰涼，味道唔算太甜。
茶市呢度keep住好好生意，全場滿座，果然無揀錯！
張貼
