菓匠茶屋 (已結業)

本來唔知有呢間雪榚店，睇報紙蔡san話要專登去試，引起我的興趣。前日去開銅鑼灣時代廣場，本來只打算行吓超市，點知就俾我見到，整定要試！我買的時候有兩三個人買，全部都要twist，雖然貴兩蚊，但一次過可以試齊兩種味道，人總是貪心的啦！哇！好大杯！足足有四個圈。雪榚味道好濃，雖然我喜歡抹茶，但覺得濃得有點過份。這令我想起從前一個廣告歌：等到抹茶味多得嚟牛奶味又唔爭氣！反而淡淡的牛奶給我很香軟幼滑的感覺，北海道牛奶果然名不虛傳！個筒好脆，食完真係好飽。如果你喜歡濃濃的感覺，絕對要試牛奶味。