翡翠拉麵小籠包 (已搬遷) 新店位置

人地話呢間小籠包好食。講真，名過其實。四隻 HKD36, 下午茶價錢都算貴，一隻都要十蚊（計加一）.賣咁貴都應該有高期望，原來都係普通野。 皮又唔係薄，餡又唔係靚。 隻包痴住塊紙，夾一夾就串左，汁都漏晒出黎。餡肉咬落好散，冇肉感。可能搞得太爛，少少肉質纖維都搞斷晒。成功夾到都算好，肉汁飽滿，不過唔熱，差點肉鮮味。 咁既價錢唔值得食，試都晒錢。五香牛肉面更敗家，牛肉顏色血紅。一係染色勁一係未整熟，睇落都唔想食。 份量都算可以，不過牛肉有夠四五塊都冇用，唔好食賣相勁失分。配飲品一杯。下午茶都加一服務，講真，都幾過份。貴價但食品質素平平，唔再食。