海皇粥店 (西菁街) (已結業)

星期六和朋友一齊出去食下午茶，元朗西菁街見到海皇粥，即刻好想食粥，就入去幫襯下佢；入到去坐位都好闊落，坐得好舒服，我見到佢嘅下午茶，真係都好抵食！噤就叫咗個炸腸和蒸蘿蔔糕套餐下午茶，再加個雙拼生滾粥套餐！話咁快個套餐就嚟到喇，可惜炸腸入面包住嘅油炸鬼明顯唔脆，腸粉還可以；蒸蘿蔔糕就比較硬咗啲，可能用嚟煎比較合適；而生滾粥就做得唔錯，豬潤算淋滑，牛肉算爽口，粥底都算綿，有水準！而跟生滾粥嘅油炸鬼，雖然得半條但都好脆；而下午茶套餐重有熱飲品跟餐，性價比高！整體來說，下午茶餐比較抵食，但質素一般；至於生滾粥就唔錯，但不屬於下午茶，所以價錢比較高一些！