影片
更多
2021-09-17
1051 瀏覽
下午茶好抵食今日星期日因為整野遲咗出去食飯，所以都搞到差唔多兩點幾先同Endy哥出去一齊食飯。問佢想食啲咩嘢，佢就話想食酸酸辣辣嘅嘢，如果有埋串燒就更加好。於是我哋就走咗去食泰廚泰國菜館，可以滿足晒佢想食嘅嗰兩樣野，哈哈。見到下午茶餐價錢又唔貴，咁抵食嘅價錢每人叫咗兩個下午茶餐…….泰式肥牛湯河$33（送香茅冰或者青檸冰)轉紅豆冰或者涼粉冰就加$10呢碗泰式肥牛湯河酸酸辣辣幾開胃，肥牛煮到啱啱好熟，所以一啲都唔老。成碗泰式肥牛湯河都幾大碗，一啲都唔似係下午茶份量，所以覺得都幾抵食。紅豆冰偏甜，可能因為裏面有好多紅豆，椰汁味都幾濃郁。扎肉鳳爪沙律$40（送香茅冰或者青檸冰)轉紅豆冰或者涼粉冰就加$5鳳爪唔算好辣，但係酸酸辣辣都幾醒神開胃。而且裏面仲有幾多扎肉，同埋一啲洋蔥蕃茄配菜。香茅冰清清地，香茅味都幾重。串燒餐$32（送香茅冰或者青檸冰)轉紅豆冰或者涼粉冰就加$5可以揀兩款串燒，我哋就揀咗雞全翼同埋豬肉串。兩樣都燒到好香口，而且沙嗲汁辣辣地，同燒咗嘅嘢雞翼同埋豬肉配合得好惹味。香茅豬扒撈檬$45（送香茅冰或者青檸冰)轉紅豆冰或者涼粉冰就加$5豬扒又大件，肉質又鬆軟，唔會太乾或者太硬。
今日星期日因為整野遲咗出去食飯，所以都搞到差唔多兩點幾先同Endy哥出去一齊食飯。問佢想食啲咩嘢，佢就話想食酸酸辣辣嘅嘢，如果有埋串燒就更加好。於是我哋就走咗去食泰廚泰國菜館，可以滿足晒佢想食嘅嗰兩樣野，哈哈。見到下午茶餐價錢又唔貴，咁抵食嘅價錢每人叫咗兩個下午茶餐…….
泰式肥牛湯河$33
（送香茅冰或者青檸冰)
轉紅豆冰或者涼粉冰就加$10
呢碗泰式肥牛湯河酸酸辣辣幾開胃，肥牛煮到啱啱好熟，所以一啲都唔老。成碗泰式肥牛湯河都幾大碗，一啲都唔似係下午茶份量，所以覺得都幾抵食。
紅豆冰偏甜，可能因為裏面有好多紅豆，椰汁味都幾濃郁。
扎肉鳳爪沙律$40
（送香茅冰或者青檸冰)
轉紅豆冰或者涼粉冰就加$5
鳳爪唔算好辣，但係酸酸辣辣都幾醒神開胃。而且裏面仲有幾多扎肉，同埋一啲洋蔥蕃茄配菜。
香茅冰清清地，香茅味都幾重。
串燒餐$32
（送香茅冰或者青檸冰)
轉紅豆冰或者涼粉冰就加$5
可以揀兩款串燒，我哋就揀咗雞全翼同埋豬肉串。兩樣都燒到好香口，而且沙嗲汁辣辣地，同燒咗嘅嘢雞翼同埋豬肉配合得好惹味。
香茅豬扒撈檬$45
（送香茅冰或者青檸冰)
轉紅豆冰或者涼粉冰就加$5
豬扒又大件，肉質又鬆軟，唔會太乾或者太硬。檬粉份量都幾多，成大碗香茅豬扒撈檬食完都其實幾飽。
泰式和牛串$25
和牛唔會好乾，有咬口同彈性，有煙韌得來唔會好硬。
泰式香茅雞翼$18
因為頭先叫咗串燒餐覺得幾好食，所以特別額外再叫多一串泰式香茅雞翼，呵呵。
埋單$208，每人就$104，食到好似放題咁飽，正，又飽又滿足！
張貼
