老街 (已搬遷) 新店位置

唔打唔撞走咗黎黑布街呢邊轉個彎位竟然有間台式小店，內裡燈光幽暗，滿有文化氣息，呢個時間有lunch menu及tea menu 選擇，我揀咗tea set,因為有小食試 麵有4款揀一款，小食可揀3款，我點咗一碗小麻醬乾麵配炸甘薯，鹽酥雞，炸豆腐，仲要送一杯飲嘢，可以要求走甜，少冰，加錢可加珍珠或揀其他飲品。乾麵上有啲青瓜絲，唔太鹹都幾好食，細細碗份量唔會太飽，小食方面，3粒鹽酥雞有啲鞋口，熟過頭定係食材唔夠新鮮？ 2條甘薯上有啲梅粉，幾好食； 炸豆腐嘅賣相唔錯，上面都係放咗啲青瓜絲，幾滑口，唔太鹹，唔錯呢！ 呢餐32蚊冇加一，真係好抵食! 但係食完嘢先發覺呢餐好似加咗味精，因為keep住口乾。