真心 (已結業)

喺蘇豪區見到一間裝修幾特別嘅餐廳，係食日本嘢嘅。餐廳都唔算好大，但係我就幾鍾意佢個設計，因為我哋坐嘅位置係可以望到對面嘅餐廳，有一種休閒嘅感覺。Lunch Time時間主餐牌會有七折，拉麵仲有五折嘅優惠。我地唔算話好餓，所以叫咗個拼盤同燒三文魚骨☺1⃣呢個set有六舊壽司🍣呢啲壽司全部都用腐皮包住，我最鍾意食嘅係帶子海膽嗰個，帶子超級新鮮，海膽好鮮甜濃郁，三文魚嗰件都好唔錯呀，同樣新鮮可口，鰻魚玉子嗰塊玉子超厚，正！仲有蟹膏蟹子，呢個價錢超值！全部都大大件食得飽人😍2⃣燒三文魚骨份量有好多，如果少啲油嘅話會好啲，脂肪位好正❤雖然係骨位但係勁多肉，比較濃味😝