祥榮餐廳

營業中

休息中

平時下午茶都係叫西多或者雞翼，呢間居然有炒粉麵飯，價錢比起晚餐嘅抵食好多，份量相對嚟計應該會少啲，但估唔到食完都幾飽肚，會話性價比高。先叫咗個經典嘅乾炒牛河，望落去好油但食落都OK，炒得幾有鑊氣，而且上菜速度夠快。麵條軟硬程度適中，味道唔算好濃郁。反而炒貴勺有驚喜，香氣四溢，配料豐富，令人回味無窮。揚州炒飯炒至乾身，粒粒分明，重口味人士可以加少少鹽，會提升整體嘅味道，另外蝦仁都比想像中多。焗茄汁魚柳飯需要等候一段時間，魚柳三大塊咬落啖啖肉，茄汁酸甜開胃，炒飯底，下面仲有少少煲仔飯嘅感覺，唔鍾意嘅可以轉意粉。