龍皇酒家 (開源道) (已結業)

今日晏咗起身，諗住搵個地方下午茶。奶奶提議去呢度，話試過食晏晝，食品水準好。咁我哋就一行四人去到，餐廳安排非常之好，雖然下午茶兩點開始，但係1:55已經安排入座。侍應亦都已經提早準備好一切，低幾分鐘就已經有茶。兩點開始落單之後，食物一步步咁出，唔會太急趕，食物都會好熱。龍王食物質素有所保證，點心都係高水準嘅。最需要嘅就係為店舖嘅職員平反，我哋坐喺一間房仔咁嘅地方，房入邊有五張枱，都係一位侍應安排，雖然好忙碌，但係侍應通常都會喺好短時間回應你，服務態度亦都親切有禮。我哋個侍應叫Sandy。侍應亦都好細心，通常落蝦餃燒賣嘅時候都會問你要唔要辣椒油。總括而言，食物OK，服務一流。