讚記廚房 (已結業)

呢間茶記位於銅鑼灣內街，所以唔算太多人，價錢合理。 芝士煙肉熱狗，配薯條同凍檸茶呢個熱狗係新出架！平時得普通熱狗。熱狗入面有腸仔、蕃茄、煙肉、芝士、菜，煙肉好足料，啖啖都有。上面白色嗰啲醬應該係芝士，但食嗰陣以為係沙律醬，其實唔似芝士。但係整體黎講好足料，好滿足，好食。薯條冇平時嗰啲咁粗身，但係都好香脆可口，仲要有啲黑椒喺上面，好正。凍檸茶一般，個人建議可以試下佢嘅凍奶茶，好有茶味，茶同奶嘅比例都唔錯！