龍廷粵菜廳

營業中

休息中

放假同屋企人出去荃灣飲下午茶，之前去過同一棟嘅大廈另一間，今次就試吓呢間。估佢唔到竟然係個福建炒飯嚟先，份量正常唔算太大份味道都幾好，蟹肉都幾爽啲料都幾足。試埋佢個燒肉瀨粉，燒肉出奇地脆卜卜呢度係有驚喜嘅。鴨腳仔同埋菜苗餃都正常表現。反而有少少失望係個腸粉同埋小籠包，個腸粉煎完出嚟太爛。小籠包個皮做得幾薄，就係薄佢下面唔墊底，四個穿左三個，漏晒啲汁嘥晒。個桂花紅豆椰汁糕個味教得幾好，唔會太甜，亦都有桂花嘅清香，最唔好就係個椰汁糕仔太鬆散唔夠實淨完全夾唔起。個紫米露雖然賣相唔係好得，但係個芋頭煲到好腍好好食。成餐下午茶都係三百幾蚊又食得過。