御老鍋台式火鍋 (已結業)

放假唔小心訓晏左🤣 心掛掛想打邊爐 一於就食御老鍋啦 餐廳裝修古色古香 又帶有台灣味道 環境光猛闊落 最正係餐廳冷氣十足 夏天打邊爐一樣得！下午茶優惠套餐（二人前）$398呢個套餐每日六點前供應 可以自選湯底 包括秘製麻辣鍋 芫茜皮蛋豆腐鍋 蕃茄薯仔鹹排骨鍋🍲 我地就揀左蕃茄薯仔鹹排骨鍋 幾足料 湯底清甜 又帶有鹹排骨既香濃 🍅火鍋食材好豐富 肉類 丸類 菜類 菇類 海鮮類齊哂😎 拼盤包括有手切肥牛 海蝦 大元貝 羊肉片 丸類 餃子 鴨血 芋絲 金菇 秀珍菇 蛋餃 蔬菜 王子麵🍜 最滿意係海鮮類 帶子新鮮鮮甜 海蝦彈牙爽口🦐 肉類既手切肥牛肉味濃郁 羊肉片羶味十足🥩 自家製餃子丸類 餃子足料 丸類彈牙 有款仲醬爆添🥟 食埋兩個王子麵做結尾 滿足哂套餐仲贈送自家製菊花茶/洛神花茶份量夠哂2個人食飽 岩哂下午茶時間想打邊爐既我地😋 有機會再食過御老鍋台式火鍋📍尖沙咀金巴利道28號君怡酒店1樓