The Yell-Owl Cafe (已結業)

旺角鬧市中，都有個舒適慢活嘆咖啡的地方。下午茶先有時間食午餐，食過分店，最鍾意柚子雞翼，下午茶餐2：30 供應好抵食，$62 柚子汁脆炸雞翼五隻 ，連一杯飲品，熱朱古力好香濃仲有拉花。午餐的 夏威夷薄餅餐 ，追加揀兩款小食 ：芝士肉醬薯條，好多肉醬喺面，非常有美式風味 。草飼牛柳配法式蛋黃醬 配焗薯蓉 ，牛柳煎得剛好，火喉控制得好好，軟林，旁邊嘅配菜多好有水準 。再加芝士蛋糕，芝士蛋糕係中間冰凍，口感好滑 。另外好鍾意嗰杯焦糖咖啡 $38，用火槍喺咖啡面燒焦砂糖。咖啡食物環境都令人滿意，餐廳晚市會開放上層餐廳，空間感好闊落 。