Minh & Kok (已結業)

呢間嘢lunch set其實都唔係平，加一之後計返條數都超過100蚊一個餐。但係下午茶我覺得就ok嘅，大約六十蚊一個餐左右，包一個main course，一杯嘢飲，一份小食，真係算係咁。味道方面，我覺得又真係幾好食㗎喎。 我通常都食喇沙，然後小食就嗌個沙嗲串燒。個喇沙啲湯好濃，好厚，聞落去好香，真係好好食。沙嗲串燒一樣，都係聞落去好香，食落去味好濃，不過就覺得乾咗少少，所以個小食就普普通通。唔會特登去食，不過如果經過嘅話，會返轉頭。