滿滿食堂

營業中

休息中

同老公係中環行完街又想食下牛肉就去咗試呢間滿滿食堂，原本見到佢下午茶既燒牛肉餐仲貴過午市既餐，問一問店員先知原來午市既燒牛肉餐最低消費要$80，所以一定要加配其他小食，另外值得一提既係，呢到既下午茶餐加$8 可以有自助沙律bar任食，我同老公都唔太餓就直接叫咗下午茶餐算了。最後叫咗個燒牛肉餐同埋照燒雞肉雜錦飯，同其他一人燒肉店一樣，都有個燒肉板俾你放件肉上去燒，醬汁都係自己係出面選，100g 既牛肉雖然幾細塊但都幾厚，肉質不過不失 ; 而我既雞肉飯，肉質都好鮮嫩，都有蛋絲、薑絲、紫菜加上日本米飯，不過我個飯都幾淡味，好彩老公拎咗啲醬汁過黎，可以落埋我個飯到加一點調味。