麺匠 真武咲弥 (已搬遷) 新店位置

下午茶時間經過未食晏，想食日本野俾佢門口＄40蚊一個下午茶拉麵吸引左入去，香港果然係寸金尺土＄40食個麵都要面壁係牆角😂😂小店應該係日本人開服務態度都唔錯。聽到日本人開就會有期望希望佢真係會好食！一望個餐牌拉麵嘅選擇唔係好多，但我就係鍾意嗰啲鋪頭佢哋可以好專注去做自己嘅食物唔會好似好多餐廳咁樣九唔搭八乜都有但冇樣好食😅由於係下午茶我見到佢個面量減半我就心知不妙啊因為呢個係lunch😅結果在另外order左兩份雞一份餃子，拉麵都係食醬油湯！餃子冇乜特別，雞係新鮮炸好味裏面有肉汁肉好滑！拉麵湯底幾好味夠濃，雖然未到非常好食，但總括嚟講都係會好嘅拉麵！