影片
更多
2018-12-15
424 瀏覽
今日天氣好，出去逛逛，今日到天水圍那邊探訪朋友，之後到下午茶時間想食個下午茶☕️，但印象呢一邊冇咩好食。跟住行過見到一間應該係新開餐廳原來八月底先開嘅—cafe100% . 樓面幾大幾吸引就入咗去食飯啦。揀咗推介嘅炸雞嚟加薯條同埋公司三文治。當落單嘅時候都聽到隔離枱個阿姐大贊雞髀好正好味。三文治先來，見到蛋幾厚身，而且見到光滑嘅表面證明個熟到啱啱好！ 包面脆，入面keep 到熱 幾好食。已清！當食完三文治之際雞髀剛剛好送到！時間啱啱好！正呀，真係做到即叫即炸！好味，肉質juicy, 外面脆！薯條就油咗少少，可以在炸得乾身啲！食物就比80 分，會想再食。但想一提，好想餐廳好好管理員工！我們坐喺路口位近餐廳嘅後門位。見到個員工運咗啲貨品入嚟門口，跟住竟然係我哋張枱嘅櫃桶攞一支叉，跟住去嘗試用叉叉開箱上面嘅膠紙！仲要成功打開咗之後將之叉放返喺我哋張枱個櫃桶入面！見到。。。。真係目定口呆😮😳！ 員工的質素真係好重要！
今日天氣好，出去逛逛，今日到天水圍那邊探訪朋友，之後到下午茶時間想食個下午茶☕️，但印象呢一邊冇咩好食。
跟住行過見到一間應該係新開餐廳原來八月底先開嘅—cafe100% . 樓面幾大幾吸引就入咗去食飯啦。
揀咗推介嘅炸雞嚟加薯條同埋公司三文治。當落單嘅時候都聽到隔離枱個阿姐大贊雞髀好正好味。
三文治先來，見到蛋幾厚身，而且見到光滑嘅表面證明個熟到啱啱好！ 包面脆，入面keep 到熱 幾好食。已清！
當食完三文治之際雞髀剛剛好送到！時間啱啱好！正呀，真係做到即叫即炸！好味，肉質juicy, 外面脆！薯條就油咗少少，可以在炸得乾身啲！
食物就比80 分，會想再食。
但想一提，好想餐廳好好管理員工！
我們坐喺路口位近餐廳嘅後門位。見到個員工運咗啲貨品入嚟門口，跟住竟然係我哋張枱嘅櫃桶攞一支叉，跟住去嘗試用叉叉開箱上面嘅膠紙！仲要成功打開咗之後將之叉放返喺我哋張枱個櫃桶入面！見到。。。。真係目定口呆😮😳！ 員工的質素真係好重要！
張貼
