金豐車仔麵

營業中

休息中

呢度附近都係得d茶記同連鎖餐廳，下午茶都唔平，臨近16:00，連鎖店燒脾都賣晒。行入少少見到呢間下午茶時間2餸連嘢飲，只需$34，算是附近比較好的選擇。今日就係想重口味一點，點了3餸大腸+尤魚+牛腩+$9，要腩汁+秘製辣汁河粉。 飲品要凍鴛鴦+$3。碗粉一嚟到都要少少嚇親，幾大碗，難怪下午都有不少人光顧！湯底顏色都深，又唔算太咸，只係有點太油。豬腸乾淨無腥味，尤魚都爽口，唔難咬開，這2款餸算中上。唯一是牛腩真的麻麻，食落痴牙，味道普普通通。飲品凍鴛鴦幾好，有做到少冰少甜，如果可以轉做紙飲管就更好更愛地球了。