澳門翠苑餐廳

營業中

休息中

行完街，純粹揾個地方坐下食少少嘢。上到嚟熟食中心，間間都無話有下午茶餐牌，只見呢間有就幫襯呢間喇。叫呿油肶配沙津，加凍檸茶，$39。以呢個熟食中心嚟講，價錢唔算特別平，因為有餐廳嘅炒粉麵飯或西式扒飯都係咁上下價錢。雞肶比想像中大啲，不過唔太夠豉油味，而且近骨位仲係紅紅地，唔多夠熟。反而沙律有啲驚喜，切到細細粒，令蔬果粒包咗好多沙律醬，而且亦夠凍。凍檸茶茶底夠濃，又唔太甜，啱我口味。既然佢話自己係澳門茶餐廳，下次嚟可以試豬扒包。