御老鍋台式火鍋 (已結業)

今日又去咗尖沙咀行街睇戲,睇完戲又想搵啲嘢食下,無意中發現有間台式火鍋菜好好味,仲要係下午茶餐御老鍋台式火鍋 ,地址尖沙咀金巴利道28號君怡酒店1樓,餐廳地方闊落,裝修整潔光猛,空間感足夠。下午茶火鍋拼盤398元 二人份量 有手切肥牛,海蝦,大元貝,羊肉片,丸類,餃子,鴨血,芋絲,金菇,秀珍菇,蛋餃,蔬菜,王子麵。賣相真係勁吸引份量又多,湯底有三種選擇,秘製麻辣鍋,芫茜皮蛋豆腐鍋,蕃茄薯仔咸排骨鍋。我地選擇咗蕃茄薯仔排骨鍋,湯底味道清甜。手切肥牛牛肉味香濃,油脂分佈均勻,入口油花味香。海蝦好新鮮蝦肉爽脆,味道鮮甜。帶子非常厚身，一開二，1分鐘左右就食得,入口幼滑,鮮味十足。餃子皮薄餡靚，用嚟打邊爐一流湯底吸收咗食材嘅鮮味,再煮王子麵,麵身吸收咗湯嘅香甜味,真係好正，蔬菜入面有生菜金菇同埋娃娃菜，全部都好新鮮，又夠嫩綠，連埋湯底啲湯一齊煮，令到蔬菜更加鮮甜呢個二人餐仲有一人一杯飲品，我揀咗菊花茶，清熱又解渴，唔會太甜凍冰冰，飲落清涼