たまご園 (北角匯) (已結業)

去到北角搵朋友，想搵個地方坐低飲吓嘢食個下午茶，於是我哋行到去北角匯。呢間疏乎厘pancake我之前食過一次次，焦糖香桃🍑但係我覺得偏甜，今次一於試士多啤梨。好好食啊，呢度啲蛋香一流可能係佢用蛋靚嘅關係，配埋酸酸地嘅士多啤梨醬，仲有上面嘅cream好正啊，不太甜，整體食落完全唔會膩，鍾意食甜嘅可以再落啲楓糖漿。不過個人覺得楓糖漿加埋一齊食，個味道就唔係特別夾嘅。不過下午茶性價比高，$68仲有一杯嘢飲！