影片
更多
2024-10-23
302 瀏覽
三層架既英式下午茶吃過很多，中式的下午茶都試過好幾遍，但玩到宮廷式咁極致就真係從未見識過。話說早前在帝京獅房菜吃過其宮廷晚宴，已被師傅的創意及菜式的味道深深迷倒，得知酒店今期玩埋宮廷下午茶，就跟自己說過必定要抽時間到訪。是日好好彩，被安排坐窗邊位，望住呢個獅子山景享受下午茶，實屬賞心樂事。作為帝京常客，深知師傅到菜式設計的一絲不苟，飲品也必定唔會揸流攤，奶蓋山楂茉莉奶茶除了色彩吸引之餘，更會用上髮簪串著風乾的山楂，以貫徹宮廷主題。另一杯的圓肉紅棗杞子茶，滋潤養顏，茶具亦相當講究，佩服。接著，店員奉來一大盤古風味甚濃的食物，有咸也有甜，賣相好正，未食先興奮。咸食的清酒鮑魚配梅酒啫喱蘿蔔，鮑魚軟腍不韌，滲出絲絲清酒香氣，墊底的梅酒啫喱，好滑好清爽。一大堆的蟹肉及魚子醬放在青瓜之上，蟹肉既鮮甜跟魚子醬的咸鮮相輔相乘，青瓜的爽甜也將小小的咸點提升至更高層次。兩片脆卜卜既多士夾著龍蝦仔，好味不花巧。有簡單直接的龍蝦多士，也有估佢唔多既泡芙。師傅竟想到將西班牙豚肉混埋松露沙律，釀入泡芙之內，煙煙韌韌既口感，結合沙律的清爽，帶出驚喜。之後兩款賣相充滿宮廷風既小點，一咸一甜，咸的是孜然牛肉酥，酥皮做得
三層架既英式下午茶吃過很多，中式的下午茶都試過好幾遍，但玩到宮廷式咁極致就真係從未見識過。
話說早前在帝京獅房菜吃過其宮廷晚宴，已被師傅的創意及菜式的味道深深迷倒，得知酒店今期玩埋宮廷下午茶，就跟自己說過必定要抽時間到訪。
是日好好彩，被安排坐窗邊位，望住呢個獅子山景享受下午茶，實屬賞心樂事。
作為帝京常客，深知師傅到菜式設計的一絲不苟，飲品也必定唔會揸流攤，奶蓋山楂茉莉奶茶除了色彩吸引之餘，更會用上髮簪串著風乾的山楂，以貫徹宮廷主題。另一杯的圓肉紅棗杞子茶，滋潤養顏，茶具亦相當講究，佩服。
接著，店員奉來一大盤古風味甚濃的食物，有咸也有甜，賣相好正，未食先興奮。
咸食的清酒鮑魚配梅酒啫喱蘿蔔，鮑魚軟腍不韌，滲出絲絲清酒香氣，墊底的梅酒啫喱，好滑好清爽。
一大堆的蟹肉及魚子醬放在青瓜之上，蟹肉既鮮甜跟魚子醬的咸鮮相輔相乘，青瓜的爽甜也將小小的咸點提升至更高層次。
兩片脆卜卜既多士夾著龍蝦仔，好味不花巧。
有簡單直接的龍蝦多士，也有估佢唔多既泡芙。師傅竟想到將西班牙豚肉混埋松露沙律，釀入泡芙之內，煙煙韌韌既口感，結合沙律的清爽，帶出驚喜。
之後兩款賣相充滿宮廷風既小點，一咸一甜，咸的是孜然牛肉酥，酥皮做得好，吃起來也滲出恰到好處的孜然香味。甜點的抹茶奶皇流心蛋糕，中式賣相，又有吃抹茶奶皇月餅那種感覺，幾有趣。
再吃的幾件都是甜點，荔枝布甸正正就是荔枝的造型，白朱古力外殼包裹著細滑的布甸。像獅子玉璽的一款，係黑芝麻糕，質感QQ的，帶有濃郁芝麻香。
最後，再數到最吸睛的「毛筆」！打開毛筆盒，輕煙冒出，仙氣陣陣。毛筆頭其實就是紫薯麻糬酥，所以口感很不錯，吃時沾些以黑蜜糖打造而成的墨水，別有一番滋味。
總括而言，呢個宮廷下午茶非常之打卡able，卻又不會為求賣相而犧牲味道，真係佩服總廚佩服得五體投地。
張貼
