正記冰室 (已結業)

想食個下午茶，呢度下午茶餐炒粉麵飯$38連一杯熱飲。我鍾意食炒麵，唔係豉油王炒麵求其炒吓嗰啲，係個麵底要炸過，脆卜卜嗰啲。因為工序較繁複，好多茶餐廳都冇做，自己整又多功夫。見到隔黎枱有人食肉絲炒麵，就係呢款喇。難得呢度有，即刻叫個黎食。一上枱，都知佢細碟(一早見到隔黎枱)，以下午茶份量黎講算係勉強合格啦。聞到都幾香，但就見到個邊啲麵燶晒，明顯係失左手啦。睇下入面，好彩冇燶。個麵夠熱夠脆，係即整的。上面材料有肉絲、冬菇絲、芽菜、紅蘿白絲、韭黃……算係多料。 整體黎講幾好食，如果無燶就更好喇