唐宮中餐廳

營業中

休息中

今日下午我們再去咗九龍維景酒店嘅「唐宮中餐廳」飲下午茶！我們叫咗翡翠蝦餃皇、蟹籽燒賣皇、鮮蝦叉燒腸、四寶魚肚鷄扎、墨西哥焗叉燒餐包同豉汁涼瓜排骨炒河！翡翠蝦餃皇嘅蝦好大隻同爽口彈牙！蟹籽燒賣皇嘅豬肉肉質鮮嫩多汁！鮮蝦叉燒腸嘅腸粉相當晶瑩嫩滑，大蝦同叉燒夾埋一齊嚟食，口感非常豐富！係本人嘅必食推介！四寶魚肚鷄扎嘅魚肚炆得好腍同好入味，鷄肉亦相當嫩滑！墨西哥焗叉燒餐包嘅叉燒非常蜜汁，包質相當鬆軟！