119 Italio Restaurant & Bar (已搬遷) 新店位置

我地行到攰攰地，於是就搵個地方坐低，又唔多肚餓，一人叫咗一個甜品和咖啡，坐陣食下嘢吹下水。下午茶時間去到，餐廳都幾靜，我地坐得幾舒服。我發覺佢啲甜品都幾平，雖然選擇唔多，但咁啱都有我地想食嘅。朋友揀咗法式焦糖燉蛋 $38，唔會太甜，口感順滑。 我就揀咗乳酪芝士蛋糕 $28，我就覺得好好味，酸酸甜甜，口感綿滑，呢個價錢嚟講好抵。咖啡就正常，唔係好識飲。Americano $28Hazelnut Latte $35餐廳環境令人好放鬆，燈光明亮，又有自然光，食物雖然試得唔多，甜品嚟講係抵食。一個下午茶五十蚊到可以hea一個下午，都幾好。下次會想嚟試下晚餐。